Nodau ac Amcanion
Nodau
- Gwella llesiant economaidd, cymdeithasol, amgylcheddol a diwylliannol Llambed a’r cyffiniau.
- Cyfrannu’n adeiladol at ail-ddychmygu a chyd-greu Cymru’r dyfodol.
Amcanion
Economaidd
- Cryfhau seilwaith economi’r dref a’r ardal gyfagos gan greu swyddi o’r newydd yn y sectorau bwyd a lletygarwch yn benodol.
- Datblygu Llambed yn gyrchfan ar gyfer ymwelwyr a, thrwy hynny, gefnogi cynnig twristaidd o safon ryngwladol yng Ngheredigion.
- Sicehau bod y ddarpariaeth sgiliau a phorfiadau dysgu yn cyd-fynd ag anghenion economaidd busnesau lleol.
- Gwella ansawdd ac amrywiaeth y cyfleon gwaith fel y gellir cadw talentau lleol yn yr ardal yn ogystal â denu teuluoedd yn ôl i weithio i Geredigion.
- Meithrin agweddau mwy mentrus ymhlith perchenogion busnes yr ardal a’u hannog i fabwysiadu ffyrdd newydd o feddwl.
- Cynyddu nifer myfyrwyr addysg bellach ac addysg uwch y rhanbarth.
Cymdeithasol
- Sefydlu Llambed yn ganolfan o bwys ar gyfer hyrwyddo cymunedau iach a chynaliadwy o fewn cyd-destun gwledig;
- Sefydlu rhwydweithiau lleol/ledled y wlad yn enw’r Ganolfan a fydd yn hyrwyddo cydweithio a chydweithredu ym meysydd bwyd cynaliadwy, twristiaeth a mentergarwch cynaliadwy.
- Sefydlu ‘bwyd’ fel brand ar gyfer datblygu tref Llambed i’r dyfodol.
- Sefydlu mentrau cymunedol e.e. cyfleuster hyfforddiai bwyd yng nghanol y dref a rhandiroedd ar y campws a Phontfaen a fyddai’n cefnogi cynhwysiant cymdeithasol.
- Grymuso’r gymuned leol i gymryd perchenogaeth o’r weledigaeth ac i gyfrannu at ei datblygiad dros gyfnod o amser.
- Cynyddu nifer yr ymwelwyr â’r dref trwy gydol y flwyddyn;
Amgylcheddol
- Codi ymwybyddiaeth o fewn y gymuned a thu hwnt o effaith newid hinsawdd.
- Cynnig amrywiaeth o gyrsiau ym maes cynaliadwyedd gyda phwyslais ar ffyrdd mwyd cydnerth, cytûn a chynaliadwy o fwy ac o weithio.
- Ehangu cyfleon ym maes twristiaeth gynaliadwy;
- Gweithio gydag ysgolion a cholegau lleol i godi ymwybyddiaeth disgyblion a myfyrwyr ynghylch ystod o faterion perthnasol yn ymwneud â chynaliadwyedd ac adfywio cymunedol.
- Cefnogi’r ffordd y mae Llambed a’r cyffiniau yn cefnogi bwriadau Llywodraeth Cymru wrth wireddu amcanion Deddf Llesiant Cenedlaethau’r Dyfodol.
Diwylliannol
- Cefnogi’r Gymraeg fel iaith gymunedol lle caiff gyfle i ddatblygu a ffynnu;
- Dathlu ffordd o fyw’r Gymru wledig, ei threftadaeth a’i diwylliant.